عمران خان کاسیلاب متاثرین کی امداد کیلئے تیسری ٹیلی تھون کرنےکااعلان

یوتھ ویژن نیوز(ویب ڈسک سے) پاکستان تحریک انصاف کے چیئرمین اور سابق وزیراعظم عمران خان سیلاب متاثرین کی امداد کے لیے کل رات تیسرا ٹیلی تھون کرینگے۔

یہ بھی پڑھیں: ایشیائی ترقیاتی بینک نے پاکستان کو ڈیڑھ ارب ڈالر قرض دینے کی منظوری دے دی

تفصیلات کے مطابق عمران خان نے سیلاب متاثرین کی امداد کے لیے تیسرے ٹیلی تھون کے حوالے سے قوم کو ویڈیو  پیغام دیتے ہوئے کہا ہے کہ اتوار کی رات 9 بجے ہم تیسرا ٹیلی تھون کر رہے ہیں، ہم ملک بھر کے سیلاب متاثرین کے لیے پیسہ اکٹھا کر رہے ہیں اور میں چاہتا ہوں کہ آپ سب بھرپور طریقے سے اس میں شرکت کریں۔سابق وزیراعظم کا کہنا تھا کہ ہم نے پہلے 2 ٹیلی تھون میں 10 ارب روپے اکٹھے کیے ہیں، اس بار 3 گھنٹے کا ٹیلی تھون کریں گے جو کل (اتوار) کی رات 9 بجے سے 12 بجے تک ہوگا۔ اس بار لائنز بہت زیادہ رکھی ہیں جو بھی فون کرنا چاہے اس کی بات ہوسکے گی۔

یہ بھی پڑھیں: بھارتی بزنس مین گوتم اڈانی دنیا کےدوسرے امیرترین شخص بن گئے

عمران خان نے کہا کہ اس وقت ملک بھر میں سیلاب سے بہت لوگ متاثر ہیں، سب دل کھول کر پیسہ دیں اور سب کو سیلاب متاثرین کے لیے ٹیلی تھون میں بھرپور شرکت کرنی چاہیے۔