گلوکارہ یمسہ نور کا نیا پشتو گانا”صنم جان“ریلیز

اسلام آباد : (ایف نعیم مردانوی) اُردو اور پشتو زبان کی نامور گلوکارہ یمسہ نور کا نیا پشتو گانا ”صنم جان“ گزشتہ ادنوں یو ٹیوب چینل پہ ریلیز کیا گیا جسے موسیقی سننے والے شائقین کی جانب سے بھر پور پذیرائی مل رہی ہیں۔گلوکارہ یمسہ نور نے ٹیلی فون پہ خصوصی بات چیت کرتے ہوئے بتایا کہ میرا یہ گانا ”صنم جان“ میرے سابقہ تمام گانوں سے بالکل مختلف ہے کیونکہ اِس گانے کی شاعری گائیکی اور اِس کی موسیقی پہ کافی محنت کی گئی ہے۔اِن کا کہنا تھا کہ اِس گانے کو سمسور ڈاٹ کام نے پروڈیوس کیا ہے جبکہ اِس کی ڈائریکشن اور ایڈیٹنگ منتظر خان نے کی ہے اور موسیقی وقاص سٹوڈیو کی ہے۔اِنہوں نے مزید بات چیت کرتے ہوئے بتایا کہ اِس گانے کی عکسبندی پر بھی کافی محنت کے ساتھ کام کیا گیا ہے جس میں گلوکاری کے ساتھ ساتھ میں نے ماڈلنگ بھی کی ہے جسے سننے اور دیکھنے والوں کی جانب سے بھر پور پذیرائی مل رہی ہے اور میرے سابقہ گانوں کی طرح میرے اِس گانے ”صنم جان‘

کو بھی میرے چاہنے والوں نے سندپسندیدگی سے نوازا۔ گلوکارہ یمسہ نور کا کہنا تھا کہ میری ہمیشہ سے یہی کوشش رہی ہے کہ موسیقی سننے والوں کی اُمنگوں کے عین مطابق کام کروں تا کہ سننے اور دیکھنے والے میرے کام سے لُطف اندوز ہو۔ اِنہوں نے مزید کہا کہ میں نے اپنے اِس نئے گانے ”صنم جان“ کو دل کی عطا گہرائیوں سے گایا ہے اور میں اپنے سننے اور دیکھنے والوں کا تہہ دل سے شکریہ ادا کرتی ہوں جنہوں نے میرے سابقہ گانوں کی طرح ”صنم جان“ کو بھی پسند کیا اور میرے کام کو سراہا۔یمسہ نور نے بتایا کہ ہر شاعر کا کلام تہہ دل سے گاتی ہوں تاکہ اُس سے سننے والے لطف اندوز ہوسکے۔اِن کا کہنا تھا کہ میں نے آج تک جہاں بھی اپنی گائیکی کا مظاہرہ کیا ہے تو سننے اور دیکھنے والوں کی جانب سے بھر پور پذیرائی ملی ہیں اور آئندہ بھی کوشش کرونگی کہ اپنے چاہنے والوں کے زوق کے عین مطابق پرفارمنس پیش کروں۔

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com