عامرلیاقت کے پوسٹ مارٹم کی تمام درخواستیں مسترد
سندھ ہائی کورٹ نے عامرلیاقت کے پوسٹ مارٹم کرانے کی تمام درخواستیں مسترد کردیں۔
تفصیلات کے مطابق سندھ ہائیکورٹ میں معروف اینکر پرسن ڈاکٹرعامرلیاقت کے پوسٹ مارٹم کرانے کے معاملے پر عبدالاحد خان ایڈووکیٹ کی درخواست کی سماعت ہوئی جس پر عدالت نے فریقین کے وکلا کے دلائل سننے کے بعد عامرلیاقت کا پوسٹ مارٹم کرانے کی درخواست مسترد کردی۔
یہ بھی پڑھیں: شدید بارشوں کا ایک اور الرٹ،محکمہ موسمیات نے خطرے کی گھنٹی بجا دی
سابق اہلیہ دانیہ شاہ بھی درخواست میں فریق تھیں، انھوں نے عامرلیاقت کے پوسٹ مارٹم کرانے کی حمایت کی تھی۔
سندھ ہائیکورٹ نے ڈاکٹرعامر لیاقت کے پوسٹ مارٹم سے متعلق تمام درخواستیں مسترد کرتے ہوئے ایڈیشنل ڈسٹرکٹ اینڈ سیشن جج شرقی کا فیصلہ برقرار رکھا۔ درخواست شہری عبد الاحد کی جانب سے دائر کی گئی تھی۔
ضیا اعوان وکیل ورثا عامرلیاقت نے دلائل میں کہا کہ درخواست گزار کے پاس کوئی شواہد نہیں ہیں۔ درخواست گزار ایک سیاسی جماعت کے کارکن ہیں۔
عبدالاحد خان ایڈووکیٹ نے کہا کہ سندھ ہائیکورٹ کے فیصلے موجود ہیں۔سیشن عدالت نے پوسٹ مارٹم کروانے سے متعلق درخواست مسترد کردی تھی۔
یہ بھی پڑھیں: پی ٹی آئی کے11 ارکان کے استعفوں کی منظوری معطل نہیں کی،اسلام آباد ہائیکورٹ
وکیل درخواست گزار نے کہا کہ جوڈیشنل مجسٹریٹ نے عامر لیاقت کا پوسٹ مارٹم کرنے کا حکم دیا تھا۔ ایس ایچ او نے پوسٹ مارٹم کرانے کی سفارش کی تھی۔ پولیس بھی چاہتی ہے کہ عامر لیاقت کا پوسٹ مارٹم ہو۔
عبدالاحد خان ایڈووکیٹ نے مذید مؤقف اختیار کیا کہ فی الحال کوئی مقدمہ درج نہیں ہوسکا۔ عامر لیاقت کے انتقال پر شکوک پیدا ہوچکے ہیں۔ میڈیکل رپورٹ کے مطابق وجہ انتقال سامنے نہیں آئی۔
