کورونا کی نئی قسم اومی کرون پر عالمی ادارہ صحت کی تشویش

جنیوا (ثاقب ابراہیم غوری سے): کورونا وائرس کی عالمی وبا کی شروعات کو 2سال ہونے والے ہیں تاہم اس کے خاتمے کےآثار کہیں نظر نہیں آ رہے۔ جرمن ذرائع ابلاغ کے مطابق اب اس وائرس کی ایک تبدیل شدہ یا نئی قسم دریافت ہوئی ہے، جو پہلے سے معلوم اقسام سے کہیں زیادہ خطرناک اور تیزی سے پھیلنے کی صلاحیت رکھتی ہے۔

عالمی ادارہ صحت نے اسے اومی کرون کا نام دیتے ہوئے کہا ہے کہ جس تیزی سے یہ پھیلنے کی صلاحیت رکھتا ہے وہ ایک تشویشناک امر ہے۔ تاہم کہا گیا ہے کہ ابھی اس نئی قسم کے بارے میں مکمل معلومات حاصل نہیں ہوسکیں ہیں۔