MDCAT ہوگا کہ نہیں؟وزارت صحت کے خط نے بتادیا
وزارت نیشنل ہیلتھ سروسز ریگولیشنز اور کوآرڈینیشن نے پاکستان میڈیکل کمیشن سے ملک بھر میں سیلاب کی وجہ سے شیڈول میڈیکل اینڈ ڈینٹل کالج داخلہ ٹیسٹ MDCAT 2022 کو ملتوی کرنے کو کہا ہے۔
وزارت صحت کی جانب سے پی ایم سی کو خط لکھا گیا ہے جس میں 7 سے 30 ستمبر 2022 تک شیڈول MDCAT کو ملتوی کرنے کے کا کہا گیا ہے۔
تفصیلات کے مطابق خط میں کہا گیا ہے کہ وفاقی حکومت نے شدید بارشوں کے نتیجے میں آنے والے سیلاب سے سندھ، بلوچستان، گلگت بلتستان، جنوبی پنجاب اور خیبر پختونخواہ کے ہسپتالوں، تعلیمی اداروں اور سڑکوں کےانفراسٹرکچر کو تقصان پہنچا ہے۔ جس کے بعد 66 اضلاع کو آفت زدہ قرار دیا ہے۔ صوبائی حکومتیں ان علاقوں میں انسانی جانوں کو بچانے کے لیے جدوجہد کر رہی ہیں۔
خط میں مزید کہا گیا کہ متاثرہ علاقوں کے طلباء امتحانات میں حصہ لینے سے قاصر ہو سکتے ہیں۔ اس لیے مذکورہ وجوہات کا حوالہ دیتے ہوئے پی ایم سی کے امتحانات کو ملتوی کردیا جائے ۔
واضع رہے کہ پی ایم ڈی نے ایم بی بی ایس اور بی ڈی ایس پروگراموں میں داخلوں کے لیے MDCAT کے شیڈول کا گزشتہ ہفتے اعلان کیا تھا۔ پی ایم سی نے ٹویٹ کیا تھا کہ امتحانات 7 سے 30 ستمبر تک ہوں گے جبکہ طلباء اس ہفتے اپنی رول نمبر سلپس ڈاؤن لوڈ کر سکیں گے۔