سرکاری اور نجی تعلیمی ادارے مزید 2 روز کےلیئے بند

یوتھ ویژن نیوز (قاری عاشق حسین سے )  شدید بارشوں کے پیش نظر محکمہ تعلیم سندھ نے صوبے بھر کے تمام سرکاری اور نجی سکولوں کو مزید 2 یوم کے لیے بند رکھنے کا اعلان کیا ہے۔ 

بیان میں کہا گیا ہے کہ 26 اور 27 اگست کو سندھ بھر کے تمام سرکاری اور نجی تعلیمی ادارے بند رہیں گے۔ 

محکمہ تعلیم سندھ کا کہنا ہے کہ  موسم کی صورت حال کے پیش نظر مزید تعطیلات کا فیصلہ کیا گیا ہے، فیصلے کا اطلاق سندھ بھر کے تمام نجی و سرکاری اسکولوں اور کالجوں  پر ہوگا۔

یہ بھی پڑھیں: جامعات کی نئی عالمی درجہ بندی جاری،3 پاکستانی یونیورسٹیاں ٹاپ 500 میں جگہ بنانے میں کامیاب،

اس حوالے سے صوبائی وزیر تعلیم سردار شاہ نے ایک بیان دیا ہے۔ ان کا کہنا ہے کہ سندھ کےکئی اضلاع میں اب بھی سیلابی صورت حال ہے، سندھ کے بیشتر اسکولز اور کالجز زیر آب ہیں، اسکولز اور کالجز متاثرین کے ریلیف کیمپس میں بھی تبدیل کیےگئے ہیں۔

یہ بھی پڑھیں: بلوچستان میں سرکاری ونجی تعلیمی ادارے27 اگست تک بند رہین گے

خیال رہےکہ 24 اور 25 اگست کو بھی صوبے میں بارشوں کی پیشگوئی کے باعث سرکاری و نجی اسکول اور کالج بند رکھنےکا اعلان کیا گیا تھا۔