گرین کیمپس مینجمنٹ اسلامیہ یونیورسٹی بہاولپور کے زیر اہتمام ماحول دوست سرگرمیوں کے فروغ کے سلسلے میں سائیکل ریلی کا اہتمام
بہاولپور (یاسر ملک سے ) گرین کیمپس مینجمنٹ اسلامیہ یونیورسٹی بہاولپور کے زیر اہتمام ماحول دوست سرگرمیوں کے فروغ کے سلسلے میں سائیکل ریلی کا اہتمام کیا گیا۔ سائیکل ریلی عباسیہ کیمپس سے شروع ہوئی اور ڈی سی آفس ، فرید گیٹ ، سہولت بازار سے ہوتی ہوئی واپس عباسیہ کیمپس میں اختتام پذیر ہوئی۔ اس موقع پر پروفیسر ڈاکٹر جوا د اقبال ڈین فیکلٹی آف مینجمنٹ سائنسز مہمان خصوصی تھے۔انہوں نے کہا کہ کاربن گیسوں کے اخراج سے کرہ ارض پر انسانوں سمیت دیگر حیوانات اور نباتات کو گلوبل وارمینگ کی صورت میں غیر معمولی خطرات لاحق ہیں۔ جن کی بنا پر بین الاقوامی سطح پر کوششیں جاری ہیںتاکہ زمین کو دیرپاانداز سے ان مضر اثرات سے محفوظ رکھا جائے ۔ انہوں نے کہا کہ وائس چانسلر انجینئر پروفیسر ڈاکٹر اطہر محبوب نے انہی عوامل کے پیش نظر اسلامیہ یونیورسٹی بہاولپور میں گرین کیمپس پروجیکٹ کا آغاز کیا جو پاکستانی جامعات میں اپنی نوعیت کا انفرادی پروگرام ہے ۔ انہوں نے کہا کہ سائیکلنگ سے ماحولیاتی آلودگی میں کمی کے ساتھ ساتھ صحت پر اچھے اثرات مرتب ہوتے ہیں۔ ڈائریکٹر گرین کیمپس ڈاکٹر عابد گل نے کہا کہ سیریز آف سائیکلنگ تمام کیمپسز میں شروع کی جائے گی آج عباسیہ کیمپس میں ا س کا آغاز کر دیا گیا ہے۔ انہوں نے کہا کہ اس سرگرمیوں کا مقصد ائیر انڈس کوالٹی کو بہتر کرنے کے لیے حکومت کا ساتھ دینا تھا۔ڈاکٹر کاشف اکرم نے کہا کہ اسلامیہ یونیورسٹی بہاولپورلوکل کمیونٹی کے ساتھ مل کر سائیکل سواری کر فروغ دے گی۔ ڈاکٹر فاطمہ خرم بخاری نے کہا کہ سائیکلنگ مہم میںطالبات بھی بڑھ چڑھ کر شریک ہیں۔
