پاکستان کو قرض کی فراہمی، آئی ایم ایف کا اہم اجلاس طلب
یوتھ ویژن نیوز ( عاقب غوری سے )پاکستان کو آئی ایم ایف قرض کی منظوری میں بڑی پیش رفت سامنے آئی ہے۔ عالمی مالیاتی فنڈ ( آئی ایم ایف) نے 29 اگست کو اپنے ایگزیکٹو بورڈ کا اجلاس طلب کیا ہے، جس میں پاکستان کو بیل آؤٹ پیکج کی منظوری دی جائے گی۔ ذرائع کا دعویٰ ہے کہ رواں ماہ کے اختتام سے قبل پاکستان کو 1 ارب 18 کروڑ ڈالر کا اجرا ہوجائے گا۔
میڈیا رپورٹ کے مطابق بیل آؤٹ پیکج کی منظوری میں پاکستان کے 4 دوست ممالک قلیدی کردار ادا کررہے ہیں اور انہوں نے 4 ارب ڈالر کی گارنٹی بھی دی ہے۔ جس کے بعد امید کی جارہی ہے کہ رواں ماہ کے اختتام سے قبل ہی پاکستانی اکاؤنٹ میں ڈالرز ٹرانسفر کردیے جائیں گے۔
اس سے قبل وزیرخزانہ مفتاح اسماعیل بھی اعلان کرچکے ہیں کہ آئی ایم ایف کی جانب سے بیل آؤٹ پیکج کی منظوری کے لیے اظہار آمادگی کا خط موصول ہوچکا ہے۔ اس خط کا جائزہ لینے کے بعد دستخط کرکے واپس بھیجا جائے گا۔ جس کے بعد ایگزیکٹو بورڈ کے اجلاس تک انتظار کرنا ہوگا۔
