شہباز گل پر تشدد ہوا کہ نہیں؟میڈیکل رپورٹ سامنےآگئی
اسلام آباد( مظہر چشتی سے ) سابق وزیر اعظم عمران خان کے چیف آفیسر اور پی ٹی آئی کے رہنما شہباز گل کا میڈیکل کروالیا گیا ہے۔
پولیس ذرائع کے مطابق پمز ہسپتال میں 3 رکنی میڈیکل بورڈ نے شہباز گل کا میڈیکل کیا، جس کی رپورٹ پولیس کو موصول ہوگئی ہے۔ ذرائع نے بتایا ہے کہ میڈیکل رپورٹ میں شہباز گل پر کسی قسم کا تشدد ثابت نہیں ہوا اور انہیں صحت مند قرار دیا گیا ہے۔ انہیں کوئی بیماری لاحق نہیں ہے۔
یہ بھی پرھیں: شہباز گل نے تفتیش میں مزید ناموں کا انکشاف کردیا
یاد رہے کہ شہباز گل کے وکیل نے الزام عائد کیا تھا کہ پولیس نے دوران حراست ان کے مؤکل پر تشدد کیا ہے۔ تاہم میڈیکل رپورٹ میں ان کے دعوے کی نفی ہوگئی ہے۔ پولیس حکام جمعہ کو رپورٹ عدالت میں پیش کردیں گے۔
Load/Hide Comments