پنجاب کےوزیرداخلہ کا نواز شریف کےخلاف کارروائی کا عندیہ
لاہور (یاسر ملک سے )پنجاب حکومت نے 25 مئی کے واقعہ میں ملوث پولیس افسران کے خلاف ایکشن کا آغاز کردیا ہے۔
صوبائی وزیرداخلہ کرنل ریٹائرڈ ہاشم ڈوگر نے ایک بیان میں کہا ہے کہ حکومت نے پنجاب پولیس کے 12 ایس ایچ اوز کو معطل کرکے انکوائری کا آغاز کردیا ہے۔ انہوں نے کہا ہے کہ پارلیمنٹ لاجز میں چھپے لوگوں کا جلد پنجاب میں استقبال کریں گے۔
یہ بھی پڑھیں؛ شہباز گل پر تشدد ہوا کہ نہیں؟میڈیکل رپورٹ سامنےآگئی
ن لیگ کے جن رہنماؤں کیخلاف تھانوں میں درخواستیں آئی ہیں، ان کے خلاف قانون اپنا راستہ بنائے گا۔ انہوں نے مزید کہا کہ نواز شریف اور خواجہ آصف کے اداروں اور ان کے سربراہان کیخلاف بیانات سب کے سامنے موجود ہیں۔ اگر اداروں کی جانب سے کہا گیا تو نواز شریف، خواجہ آصف اور دیگر رہنماؤں کے خلاف پولیس کارروائی کرے گی۔
یہ بھی پڑھیں :25 مئی کے ذمہ داروں کیخلاف کارروائی کا آغاز، 12 ایس ایچ اوز معطل