اسلامیہ یونیورسٹی بہاولپور اور انسٹی ٹیوٹ آف پالیسی سٹڈیز کے مابین مشترکہ تعلیم و تحقیق میں اشتراک کے لیے مفاہمتی یاداشت پر دستخط
بہاولپور (یاسر ملک سے): اسلامیہ یونیورسٹی بہاولپور اور انسٹی ٹیوٹ آف پالیسی سٹڈیز کے مابین مشترکہ تعلیم و تحقیق میں اشتراک کے لیے مفاہمتی یاداشت پر دستخط ہوئے۔ معاہدے پر وائس چانسلر انجینئر پروفیسر ڈاکٹر اطہر محبوب اور چیئرمین انسٹی ٹیوٹ آف پالیسی سٹڈیز اسلام آبادخالد رحمان نے دستخط کیے۔ انجینئر پروفیسرڈاکٹر اطہر محبوب نے کہا کہ یہ وقت کا تقاضاہے کہ اعلیٰ تعلیم کے ادارے معیاری اور مفید تحقیق کے ذریعے سماجی اور معاشی ترقی کو فروغ دیں۔ انہوں نے کہا کہ اعلیٰ تعلیم کے شعبے میں اس طرح کی بامقصد تحقیق اور تعاون و اشتراک وطن عزیز کو علم پر مبنی معاشرہ بنانے میں مددگار ثابت ہوگا۔یہ معاہدہ دونوں اداروں کے اساتذہ اور ماہرین کے مابین اشتراک عمل کی نئی راہیں ہموار کرئے گا۔ معاہدے کی رح سے دونوں ادارے مشترکہ تحقیقی منصوبوں کے ساتھ ساتھ تعلیمی اور اشاعتی سرگرمیوں ، فیکلٹی اور طلباءکی سطح پر رعلمی میل ملاپ میں اضافہ کریں گے۔ ان سرگرمیوں کا مقصد پبلک اور پرائیویٹ دونوں سطح پر پالیسی سازی میں مدد فراہم کرنا ہے۔ اس موقع پرانسٹی ٹیوٹ آف پالیسی سٹڈیز سید ابرار حسین وائس پریزیڈنٹ ، نوفل شاہ رخ ، سید ندیم فرحت اور شفق سرفراز انسٹی ٹیوٹ آف پالیسی سٹڈیز اور اسلامیہ یونیورسٹی بہاولپور سے پروفیسر ڈاکٹر جواد اقبال ڈین فیکلٹی آف مینجمنٹ سائنسز، اسسٹنٹ پروفیسر ڈاکٹر شہزاد علی گل اور محمد حامد مرتضیٰ بھی شریک تھے۔