سعودی عرب، عمرہ زائرین اور طواف کرنے والوں کو حجر اسود کو بوسہ دینے کے لیے تیاریاں جاری

ریاض (عمران منیر قذافی سے):سعودی عرب میں عمرہ زائرین اور طواف کرنے والوں کے لیےحجر اسود کو بوسہ دینے کے لیے کھولے جانے کی تیاریاں کی جارہی ہے جس کے لیے مخصوص ایپ کے ذریعے پرمٹ حاصل کیا جا سکے گا۔عرب ذرائع ابلاغ نے ایوان شاہی کے حوالے سے بتایا کہ مسجد الحرام میں مکمل گنجائش کے ساتھ عمرہ زائرین اور نمازیوں کی آمد کے لیے اجازت دینے جانے کے بعد احتیاطی تدابیر کے ساتھ نرمی کی جائے گی ۔

انھوں نے کہا کہ طواف کعبہ کرنے وا لوں کو مسجد الحرام کی بالائی منزل کے علاوہ صحن مطاف میں آنے اور حجر اسود و رکن یمانی کو بوسہ دینے کے علاوہ حجراسماعیل ( حطیم کعبہ ) کے اندر نفل نماز ادا کرنے کی بھی اجازت دی جائے گی۔

حجر اسود اور حجر اسماعیل میں نوافل کی ادائیگی کے لیے ایپ میں خصوصی تبدیلیاں کی جارہی ہیں جن کے تحت ان ہی افراد کو مذکورہ مقامات تک جانے کی اجازت ہوگی جو پرمٹ حاصل کریں گے۔ واضح رہے اس سے قبل مسجد الحرام کی انتظامیہ نے مکمل افرادی گنجائش کے تحت عمرہ زائرین اور نمازیوں کی آمد کی اجازت جاری کی ہوئی ہے جبکہ مسجد الحرام کی بالائی منزل کو صرف طواف کےلیے بھی کھولے جانے کا کہا گیا تھا۔

واضح رہے کورونا وائرس کی وبا کے بعد گزشتہ برس مارچ میں احتیاطی طورپر مسجد الحرام عمرہ زائرین اور عام افراد کی آمد پرپابندی عائد تھی تاہم کورونا کی وبا کے اثرا ت کم ہونے پرپابندی مرحلہ وار ختم کی گئی۔

ابتدا میں مسجد الحرام میں آنے والوں کی تعداد کو محدود رکھا گیا تھا تاہم بعدازاں مکمل گنجائش کے ساتھ لوگوں کو آنے کی اجازت دی گئی۔

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com