کمشنرآغا ظہیر عباس شیرازی کاسبزی فروٹ کامعائنہ نیلامی کے عمل کی نگرانی
لودھراں ( فہیم شہزاد ) ڈپٹی کمشنرآغا ظہیر عباس شیرازی نے صبح سویرے سبزی و فروٹ منڈی لودھراں کا اچانک معائنہ کیا۔ ڈپٹی کمشنر نے مختلف فروخت کی جانے والی سبزیوں اور پھلوں کی نیلامی کے عمل کی نگرانی کی۔ انہوں نے مختلف سبزیوں کی کوالٹی کا باغور جائزہ لیا اور سرکاری نرخ کے مطابق قیمتوں کا تعین کرایا۔ ڈپٹی کمشنر نے سبزی و فروٹ منڈی میں صفائی ستھرائی کے نظام کو مزید بہتر بنانے کی ہدایت کی۔ انہوں نے منڈی میں خرید و فروخت کے لئے آنے والے افراد سے بھی گفتگو کی اور اُن کو درپیش مسائل دریافت کیئے۔ ڈپٹی کمشنرآغا ظہیر عباس شیرازی نے کہا کہ عوام کو ریلیف فراہم کرنے کے لیے ناجائز منافع خوروں کی حوصلہ شکنی ضروری ہے۔ انہوں نے مزید کہا کہ من مانی اور زائد قیمت وصول کرنے والے عناصر کے خلاف قانونی کارروائی عمل میں لائی جائے گی۔انہوں نے کہا کہ کسی بھی آڑھتی یا تاجر کو اپنی مرضی کی بولی یا فرضی نیلامی کی ہرگز اجازت نہیں ہے۔ انہوں نے کہا کہ اس امر میں کوئی شکایت سامنے آئی تو ٹھوس کارروائی عمل میں لائی جائیگی۔ انہوں نے کہا کہ منڈیوں میں بولی کے عمل کو شفاف بنانے کے لیے ضلعی انتظامیہ مکمل طور پر متحرک ہے۔ ڈپٹی کمشنر آغا ظہیر عباس شیرازی نے کہا کہ حکومت پنجاب کی ہدایات کے مطابق گراں فروشوں کے خلاف سخت کارروائیاں عمل میں لائی جا رہی ہیں۔ انہوں نے مزید کہا کہ تاجرحضرات رضاکارانہ طور پر عوام کی سہولت کے پیش نظر ناجائز منافع خوری اور ذخیرہ اندوزی سے گریز کریں۔ انہوں نے کہا کہ ضلعی انتظامیہ شہریوں کو سرکاری نرخ کے مطابق معیاری اشیاء کی فراہمی کو یقینی بنارہی ہے۔ انہوں نے مزید کہا کہ غیر معیاری اور زائد قیمت پر اشیاء فروخت کرنے والوں سے آہنی ہاتھوں سے نمٹا جا رہا ہے۔انہوں نے کہا کہ نیلامی کے عمل کی نگرانی کا مقصد قیمتوں کو اعتدل میں رکھنا ہے تاکہ منصوعی مہنگائی کے مرتکب افراد کا قلع قمع کیا جا سکے۔انہوں نے کسان پلیٹ فارم کا معائنہ کرتے ہوئے کہا کہ حکومت پنجاب کی اولین ترجیح ہے کہ کسانوں کو براہ راست اُن کی پیداوار کا معاوضہ ملے اور مڈل مین کے کردار کی حوصلہ شکنی ہو۔ اس موقع پر سیکرٹری مارکیٹ کمیٹی لودھراں محمد بلال نے ڈپٹی کمشنر آغا ظہیر عباس شیرازی کو منڈی میں سبزیوں اور پھلوں کی طلب و رسد کے بارے تفصیلی آگاہ کیا