شادی کیوں نہیں کروائی،باپ سے ناراض بیٹا تھانے پہنچ گیا
پشاور: خیبرپختونخوا میں شادی نہ کرانے پرباپ سے ناراض بیٹا تھانہ پہنچ گیا۔
برطانوی نشریاتی ادارے کی رپورٹ کے مطابق خیبرپختونخوا کے ضلع ہنگو میں 28 سالہ نوجوان اپنے والد کیخلاف شادی نہ کرانے کی شکایت لے کرتھانے پہنچ گیا۔
محموداللہ کے والد معین گل نے پولیس کو بتایا کہ میرا بیٹا غیرذمہ دار اورنافرمان ہے۔ ۔ایک مرتبہ اپنے دوستوں کے ساتھ مل کر اغوا کا ڈرامہ کیا تھا اور ایک مرتبہ گرفتار بھی ہوگیا تھا۔ اس کے علاوہ بھی ایسے مسائل پیدا کیے جس سے میرے لیے مشکلات پیدا ہو گئی تھیں۔ کوئی بھی اپنی بیٹی کی شادی ایسے شخص سے نہیں کرے گا۔
پولیس حکام کا کہنا ہے کہ باپ اوربیٹے کو تھانے بلا کر آپس میں معاملہ طے کرنے کا کہا گیا ہے۔ معین اللہ کا کہنا ہے کہ میرا بیٹا ذمہ داری اٹھانے اوررویہ بہتربنانے کا وعدہ کرے تو ایک مہینے میں اس کی شادی کرانے کوتیار ہوں۔
Load/Hide Comments