کامیاب پاکستان پروگرام ؛ حکومت نے بلاسود قرضوں کی فراہمی شروع کردی
اسلام آباد (عمران قذافی سے ) کامیاب پاکستان پروگرام کے وفاقی حکومت نے بلاسود قرضوں کی فراہمی شروع کردی۔ تفصیلات کے مطابق اسلام آباد میں کامیاب پاکستان پروگرام کے تحت بلاسود قرضوں کی فراہمی سے متعلق تقریب کا انعقاد کیا گیا ، جہاں خطاب کرتے ہوئے وفاقی وزیر خزانہ شوکت ترین نے بتایا کہ پروگرام کے تحت کاروبار کے لئے 5 لاکھ تک کا بلاسود قرضہ دیا جا رہا ہے ، ہر فصل کے لئے ڈیرھ لاکھ اور دو فصلوں کے لئے 3 لاکھ روپے کا قرض حاصل کیا جاسکتا ہے جب کہ گھروں کی تعمیر کے لئے 20 لاکھ سے 25 لاکھ کا بلاسود سود قرضہ لیا جاسکتا ہے ، جس پر تھوڑے سے چارجز ہیں تاہم 40 لاکھ گھروں کو میرٹ اور شفافیت سے بلاسود قرضے فراہم کر رہے ہیں۔
انہوں نے کہا کہ غریب عوام کیلئے آج بڑا دن ہے ، 74 سال سے غریب کو خواب ہی دکھائے گئے لیکن اب فلاحی ریاست کی جانب قدم رکھ دیا گیا ہے جس کے تحت کامیاب پاکستان پروگرام کے تحت بلاسود قرضوں کی فراہمی کا آغاز ہوگیا ہے ، جیسے جیسے پروگرام پھیلے گا تو نچلی سطح پر بہتری آئے گی ، اس سے پہلے 74 سال میں غریبوں کو صرف خواب دکھائے گئے لیکن عملی اقدامات نہ ہوئے۔
وفاقی وزیر خزانہ نے کہا کہ ماضی میں کبھی گھر، مکان اور روٹی کا وعدہ کیا گیا ، ترقی کے بہت دعوے تو کیے گئے لیکن کبھی ترقی کے ثمرات عوام تک نہیں پہنچنے، اب ایک ایسا شخص وزیراعظم آیا ہے جس نے ریاست مدینہ کی جانب قدم اٹھایا ہے ، عمران خان نے مجھے کہا غریب کے لئے کچھ کرو ، ہم نے مل کر سوچا کہ بینک غریب کو پیسہ کیوں نہیں دیتے ، ہم نے یہ سکیم بنائی کہ بڑے بینک اخوت کو قرضے دیں گے اور یہ آگے چھوٹے قرضے دیں گے۔
دوسری جانب سینیٹر اور وزیر خزانہ بننے کے بعد شوکت ترین کو ایک اور حکومتی عہدہ مل گیا ، وزیر اعظم عمران خان نے وفاقی وزیر خزانہ شوکت ترین کو ایک اور اہم ذمے داری سونپ دی، جس کے لیے وزیراعظم عمران خان نے اقتصادی رابطہ کونسل کی تشکیل نو کر دی، جس کے بعد وفاقی وزیر خزانہ شوکت ترین ای سی سی کے نئے سربراہ ہوں گے ، شوکت ترین 6 ماہ کیلئے وزیر خزانہ کے عہدے پر تعینات رہنے کے دوران بھی ای سی سی کی سربراہی کر چکے ، تاہم وزارت خزانہ کا عہدہ چھوڑنے کے بعد انہیں ای سی سی کی سربراہی بھی چھوڑنا پڑی تھی ، اب سینیٹر منتخب ہونے اور پھر دوبارہ وزیر خزانہ بنائے جانے کے بعد شوکت ترین دوبارہ ای سی سی کے سربراہ مقرر کر دیے گئے ہی
