برازیل کا بڑا اعلان — غیر ملکی طلبہ کے لیے 2026 اسکالرشپ پروگرام کا آغاز
یوتھ ویژن نیوز : (سید نعمان شاہ سے) برازیل کی جانب سے دنیا بھر کے طلبہ کے لیے ایک شاندار تعلیمی موقع! حکومتِ برازیل نے تعلیمی سال 2026 کے لیے پی ای سی-پی جی اسکالرشپ پروگرام کے تحت غیر ملکی طلبہ سے درخواستیں طلب کر لی ہیں۔
اس پروگرام کے تحت امیدوار ماسٹرز، مکمل ڈاکٹریٹ اور سینڈوچ پی ایچ ڈی کورسز میں داخلہ حاصل کر سکتے ہیں۔ اسکالرشپ کے ذریعے منتخب طلبہ کو برازیل کے تسلیم شدہ اعلیٰ تعلیمی اداروں (HEIs) میں تعلیم حاصل کرنے، جدید تحقیق کرنے اور ثقافتی و تعلیمی تبادلے کا موقع دیا جائے گا۔
درخواست کا شیڈول بھی جاری کر دیا گیا ہے:
📌 نشستوں کا اعلان: 30 ستمبر 2025
📌 درخواستوں کی مدت: 1 اکتوبر تا 30 دسمبر 2025
📌 نتائج کا اعلان: 30 اپریل 2026
📌 کلاسز کا آغاز: اگست 2026
درخواست دہندگان کو CAPES الیکٹرانک پورٹل (inscricao.capes.gov.br) پر آن لائن رجسٹریشن کرنا ہوگا، جبکہ سوالات کے لیے ای میل inscricao.pecpg@capes.gov.br پر رابطہ کیا جا سکتا ہے۔
یہ اقدام برازیل کی حکومت کی جانب سے ترقی پذیر ممالک کے ساتھ تعلیمی تعلقات کو فروغ دینے کی ایک اہم کوشش ہے۔ اس پروگرام کا مقصد دنیا بھر کے نوجوانوں کو اعلیٰ معیار کی تعلیم فراہم کرنا اور بین الاقوامی تحقیق و تعاون کے نئے دروازے کھولنا ہے۔
