کسی بھی فیک نیوزاورپروپیگنڈے پر توجہ نہ دیں،آرمی چیف

یوتھ ویژن نیوز (ثاقب غوری سے) آرمی چیف جنرل قمر جاوید باجوہ کا کہنا ہے کہ ۔کسی بھی فیک نیوز اور اس کے پروپیگنڈے پر توجہ نہ دیں۔

پاکستان کی سالمیت اور خود مختاری پر آنچ نہیں آنے دیں گے،پاک افواج اپنی سرزمین کی دفاع کے لیے ہمہ وقت تیار ہیں۔پاکستان کا امن اور استحکام خراب نہیں ہونے دیں گے۔

یہ بھی پڑھیں: عمران خان کو گرفتارکیے جانےکا امکان

میڈیا رپورٹس کے مطابق آرمی چیف جنرل قمر جاوید باجوہ نے پاکستان ملٹری اکیڈمی کاکول کے 146 ویں لانگ کورس کی پاسنگ آؤٹ پریڈ سے خطاب کرتے ہوئے کہا کہ پیغام واضح ہے کہ پاک فوج عوامی مدد سے کسی گروپ،جتھے کو ملک غیر مستحکم کرنے نہیں دے گی پاکستان پر امن ملک ہے اور ہمسایہ ممالک سے اچھے تعلقات کا خواہاں ہے،ہم سب کو ملکروطن عزیز کو غربت اور دیگر چیلنجز سے نکالنا ہوگا۔
پاکستان امن کا خواہاں ہے اور اس خواہش کو کمزوری نہ سمجھا جائے۔

بہترین فوج کا حصہ بننے کے لیے کارکردگی پرتوجہ دینی ہوتی ہے۔آرمی چیف نے پی ایم اے سے پاس آؤٹ ہونے والے کیڈٹس کو مبارکباد دیتا دیتے ہوئے کہا کہ پاس آوٹ ہونے والے کیڈٹس کے اہلخانہ بھی مبارکباد کے مستحق ہیں۔آپ نے ہمشیہ جمہوری اداروں کی عزت کرنی ہے۔پاس آوٹ ہونے والے کیڈٹس کو بھی ملکی سالمیت کے لیے قربانیاں دینی ہوں گی،ادارے سے پاس آؤٹ ہونا اعزا ز کی بات ہے۔

یہ بھی پڑھیں: کسی گروہ یا ملک کو پاکستان میں عدم استحکام پیدا نہیں کرنے دیں گے،آرمی چیف

پاس آوٹ ہونے والے کیڈٹس کا عظیم اور بہاد ر فوج کا حصہ بنناباعث فخر ہے۔ آرمی چیف کا کہنا تھا کہ 42 سال قبل میں نے بھی اسی ادارے سے تربیت حاصل کی،محنت اور لگن کے بغیر کوئی بھی ہدف کامیابی سے حاصل نہیں کیاجاسکتا۔پاس آؤٹ ہونے والے کیڈٹس کوبا اعتماد طریقے سے ذمہ داری نبھانی ہوگی۔پاک فوج نے دہشت گردی سے نجات دلانے کے لیے بڑی قربانیاں دیں۔جنرل قمر جاوید باجوہ نے کہا کہ جب ادارے میں زیر تربیت تھا تو کبھی نہیں سوچا کہ فوج کی کمانڈ کروں گا۔آرمی چیف نے نمایاں کارکردگی دکھانے والے کیڈٹس میں اعزازات تقسیم کئے جبکہ آرمی چیف نے پریڈ کا معائنہ بھی کیا۔