ربیع الاول کاچاند نظرنہیں آیا،جشن عید میلاد النبیﷺ 9اکتوبر کومنائی جائےگی
یوتھ ویژن نیوز (ثاقب غوری سے ) رویت ہلال کمیٹی نے اعلان کیا ہے کہ آج ربیع الاول کا چاند نظر نہیں آیا۔ عید میلادالنبی ﷺ 9 اکتوبر کو منائی جائیگی۔
تفصیلات کے مطابق ربیع الاول کا چاند دیکھنے کے لیے مرکزی اور زونل رویت ہلال کمیٹیوں کے اجلاس منعقد کیا گیا۔ چاند کی شرعی رویت کا اعلان چیئرمین مولانا سید عبدالخبیر آزاد نے کیا۔
یہ بھی پڑھیں: پاکستانی گلوگارکا مسجدالحرام میں آذان دینے کی خواہش کا اظہار
جس کے مطابق یکم ربیع الاول 28 ستمبر بروز بدھ جبکہ عید میلاد النبی ﷺ 9 اکتوبر بروز اتوار کو ہوگی۔
قبل ازیں رویت ہلال ریسرچ کونسل نے بھی یکم ربیع الاول 28 ستمبر 2022 جبکہ 12 ربیع الاول 9 اکتوبر اتوار کو ہونے کا امکان ظاہر کیا تھا۔
رویت ہلال ریسرچ کونسل کے مطابق نیا چاند 26 ستمبر 2022ء کو پاکستانی وقت کے مطابق رات 2 بج کر 54 منٹ پر پیدا ہو چُکا ہے۔ آج بروز پیر 29 صفر المظفر 26 ستمبر 2022ء کی شام غروبِ آفتاب کے وقت چاند کی عمر پاکستان کے تمام علاقوں میں 16 گھنٹوں سے بھی کم ہو گی جبکہ غروبِ شمس اور غروبِ قمر کے درمیان فرق 30 منٹوں سے بھی کم ہو گا۔
یہ بھی پڑھیں: پی آئی اے نےمزید ایک ایئربسA-320 طیارہ اپنے بیڑے میں شامل کرلیا
کونسل کے مطابق پاکستان کے تمام علاقوں میں مطلع انتہائی صاف ہوا تو بھی ننگی آنکھ تو کجا، ٹیلی اسکوپ سے بھی رویتِ ہلال کا بالکل کوئی امکان نہیں لہٰذا 27 ستمبر کو 30 صفر المظفر اور 28 ستمبر کو یکم ربیع الاول ہو گی۔ اس طرح 12 ربیع الاول اتوار 9 اکتوبر کو ہو گی۔
