حکومتی اتحاد کا دباؤقبول کرنے سےانکار،عام انتخابات مقررہ وقت پر ہوں گے،شریف برادران میں اتفاق
یوتھ ویژن نیوز(ثاقب غوری سے ) وزیراعظم شہباز شریف اور مسلم لیگ (ن) کے تاحیات قائد نواز شریف کی لندن میں اہم ملاقات ہوئی جس میں دونوں رہنماؤں نے اتفاق کیا ہے کہ ہم کسی سے بلیک میل نہیں ہوں گے اور نہ ہی کسی کا دباؤ قبول نہیں، عام انتخابات اپنے مقررہ وقت پر ہوں گے۔
یہ بھی پڑھیں: نیب قانون میں تبدیلی کا نتیجہ آنا شروع، بڑے بڑے ملزمان کےنیب مقدمات ختم
لندن میں ہونے والی اہم ملاقات میں سابق وزیراعظم نواز شریف اور شہباز شریف کی ملاقات ہوئی، سابق وزیر خزانہ اسحٰق ڈار، سلمان شہباز بھی موجود تھے۔ وزیر اعظم نے آصف علی زرداری، بلاول بھٹو اور مولانا فضل الرحمٰن سے مشاورت کے بارے میں نواز شریف کو آگاہ کیا۔ شہباز شریف نے نواز شریف سے گفتگو میں کہا کہ اس وقت تمام توجہ سیلاب متاثرین کی بحالی اور معیشت کو بہتر کرنے پر مرکوز ہیں۔
ملاقات میں اس بات پر بھی اتفاق کیا گیا کہ تمام اتحادی عام انتخابات مقررہ وقت پر کروانے کے حامی ہیں، اتحادیوں کے ساتھ ملکر پاکستان کو مشکلات سے نکالیں گے، کسی سے بلیک میل نہیں ہوں گے، حکومت اپنی مدت پوری کرے گی۔
یہ بھی پڑھیں: نئے چیف سیکرٹری پنجاب نےعہدہ سنبھال لیا
نواز شریف نے ملک میں بڑھتی ہوئی مہنگائی پر وزیراعظم شہباز شریف سے اقدامات لینے پر زور دیتے ہوئے کہا کہ عوام کو ریلیف دینے کے اقدامات کئے جائیں جبکہ سیلاب متاثرین کی مکمل بحالی کے حوالے سے بھی بات چیت کی گئی۔ سابق وزیراعظم کا کہنا تھا کہ شہباز شریف سیلاب متاثرین کیلئے انتھک کوششیں کر رہے ہیں، حکومت بحالی کیلئے کوششوں میں تیزی لائے۔
