سابق امریکی صدرڈونالڈ ٹرمپ کےگھرسے حساس ایٹمی دستاویزات برآمد

 یوتھ ویژن نیوز (ثاقب غوری سے )امریکی وفاقی تحقیقاتی ایجنسی ایف بی آئی کی جانب سے سابق صدر ڈونالڈ ٹرمپ کی رہائش گاہ کی تلاشی کے دوران ایک غیر ملکی حکومت کی جوہری صلاحیتوں سے متعلق ایک دستاویز کو برآمد کیا ہے۔

یہ بھی پڑھیں: خاتون پارلیمنٹرین کو شوہرنےتھپڑماردیے، ویڈیووائرل  

 واشنگٹن پوسٹ کی رپورٹ  کے مطابق ایف بی آئی کو دستاویزت ملے ہیں جس میں ایک غیر ملکی حکومت کی فوجی سلامتی کی فصیل موجود ہے لیکن نامزدغیر ملکی حکومت کی شناخت ظاہر نہیں کی گئی ہے۔

رپورٹ میں مزید کہا گیا ہے کہ ڈونلڈ ٹرمپ کی فلوریڈا کی رہائش گاہ سے گزشتہ ماہ برآمد ہونے والے 11 ہزار سے زیادہ سرکاری دستاویزات کے مواد کو ظاہر نہیں کیا گیا صرف اس بات کا اشارہ دیا گیا ہے کہ وفاقی حکام جوہری ہتھیاروں کے بارے میں خفیہ دستاویزات کو تلاش کر رہے ہیں

یہ بھی پڑھیں: ہوشیار! گرم چائےاورکافی پینے سے پہلے یہ پڑھ لیں

ڈونلڈ ٹرمپ کی فلوریڈا کی رہائش گاہ سے ضبط کیے گئے کچھ ریکارڈز کی عام طور پر سخت حفاظت کی جاتی ہے۔ دستاویزات کے مقام کی نگرانی کے لیے ایک نامزد کنٹرولنگ افسر بھی ہوتا ہے۔ انہوں نے مزید کہا کہ ایف بی آئی کی جانب سے برآمد کیے گئے ریکارڈ میں خفیہ امریکی کارروائیوں کی تفصیلات بھی موجود تھیں۔

وائٹ ہاؤس سے انتہائی حساس سرکاری ریکارڈز کو غیر مجاز طور پر ہٹانے اور انہیں مار-اے-لاگو رہائش گاہ میں مبینہ طور پر غلط طریقے سے اکٹھا کرنے کے لیے محکمہ انصاف کی جانب سے ڈونلڈ ٹرمپ سے تفتیش جا ری ہے۔