پشاور جلسے میں سرکاری وسائل کااستعمال ، عمران خان 9 ستمبر کو طلب

 یوتھ ویژن نیوز(مظہر چشتی سے ) ڈسٹرکٹ مانیٹرنگ افسر نے پشاور جلسے میں سرکاری وسائل کے استعمال پرعمران خان کو  نوٹس جاری کرتے ہوئے 9 ستمبر کو طلب کرلیا

 این اے 31 پشاور کے ضمنی الیکشن میں ڈسٹرکٹ مانیٹرنگ افسر پشاور نے عمران خان کو 9 ستمبر کو طلب کرلیا۔ انہیں ذاتی حیثیت میں یا وکیل کے ذریعے جواب جمع کرانے کی ہدایت کی گئی۔

یہ بھی پڑھیں: عمران خان نےتوشہ خانہ کیس میں جواب الیکشن کمیشن کوجمع کروادیا

ڈی ایم او نے جلسے میں شرکت پر وزیراعلٰی خیبر پختون خوا محمود خان، وزیر خزانہ تیمور جھگڑا، وزیر ماحولیات اشتیاق ارمڑ ، صوبائی وزرا شوکت یوسفزئی،کامران بنگش، انور زیب،محمد اقبال، وزیراعلٰی کے مشیر خلیق الرحمان،معاون خصوصی وزیر زادہ کو بھی نوٹسز جاری کردیے۔

یہ بھی پڑھیں: چین میں6.8 شدت کازلزلہ،65 ہلاک،مزید ہلاکتوں کا خدشہ   

واضح رہے کہ گزشتہ روز پشاور میں جلسہ عام سے خطاب کرتے ہوئے عمران خان نے کہا تھا کہ شہباز گل پر تشدد کی وجہ سے مجسٹریٹ زیبا چوہدری کے خلاف بات کی تھی، میں عدلیہ اور تمام کورٹس کا احترام کرتا ہوں اور کبھی کسی جج کو دھمکی دینے کا سوچ نہیں سکتا۔