نوازشریف اور زرداری اپناآرمی چیف لاناچاہتےہیں،عمران خان

یوتھ ویژن نیوز (عمران قذافی سے ) سابق وزیراعظم عمران خان نے فیصل آباد جلسے میں انکشاف کیا ہے کہ  نومبر میں نیا آرمی چیف آنا ہے۔نوازشریف اور زرداری میریٹ پر آرمی چیف لانے کے بجائے اپنا فیورٹ آرمی چیف لانا چاہتے ہیں۔ 

انہوں نے پیسہ چوری کررکھا ہے، انہیں پتا ہے کہ تگڑا اور محب وطن آرمی چیف آگیا تو ان سے پوچھے گا، اس ڈر سے دونوں مل کر اپنا آرمی چیف لانا چاہتے ہیں۔ پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے اگلے اتوار کو پھر سے ٹیلی تھون کرنے کا اعلان کرتے ہوئے کہا کہ سیلاب سے بچاؤ کے لئے ہمیں مستقبل میں ڈیمز بنانے ہوں گے، اگلے اتوار ٹیلی تھون میں اوورسیز پاکستانیوں سے پیسہ اکٹھا کروں گا، امپورٹڈ حکومت نے چار ماہ میں ملک تباہ کردیا، یہ صرف اپنے مقدمات ختم کرنے آئے تھے، اقتدار کی باریاں لینے والے بیس سال ایک دوسرے کو چور کہتے رہے، تحریک انصاف کا سونامی دیکھ کر سب ایک ہوگئے، قوم کو حقیقی آزادی دلا کر رہیں گے۔

یہ بھی پڑھیں: جوبائیڈن ریاست کے دشمن ہیں،ڈونلڈ ٹرمپ

 فیصل آباد میں پی ٹی آئی کے جلسے سے خطاب کرتے ہوئے عمران خان کا کہنا تھا کہ چار مہینے میں مہنگائی آسمان پر اور معیشت زمین پر آگئی ہے، مریم نواز کہتی ہے لندن تو کیا میری پاکستان میں بھی کوئی جائیداد نہیں، حسین نواز کہتے ہیں لندن میں فلیٹس ہمارے ہیں، ہم نے دولت میں اضافہ کیا اور کرپشن کم کرائی، اقتدار میں آتے ہی ان لوگوں نے 1100 ارب روپے معاف کرائے، آئی ایم ایف نے یہ بھی کہا ہے کہ آنے والے دنوں میں مہنگائی بڑھے گی، ان پر جب مشکل آتی ہے تو یہ ملک چھوڑ کر بھاگ جاتے ہیں۔

یہ بھی پڑھیں: عمران خان کیجانب بہاولپورجلسےکی تعریف، حیرت انگیز ٹرن آؤٹ رہا

انہوں نے مزید کہا کہ پاکستان میں بیرونی سازش کے تحت امپورٹڈ حکومت مسلط کی گئی، امپورٹڈ حکومت نے 4 ماہ کے دوران ملک کو شدید نقصان پہنچایا ہے، تحریک انصاف نے 50 سال کے بعد 10 ڈیمز بنائے، ملک کو سیلاب سے بچانے کیلئے ہمیں ڈیم بنانے ہوں گے، موسمیاتی تبدیلی کیلئے شجرکاری ضروری ہے۔

پی ٹی آئی چیئرمین نے کہا کہ  2018 میں الیکشن مہم چلائی تو اس دوران ملک میں بہت بے روزگاری تھی، پاکستان میں صنعتی زون نقصان میں جارہے تھے، فیصل آباد میں ٹیکسٹائل انڈسٹریاں بند ہورہی تھیں، تحریک انصاف حکومت نے کسانوں کو اپنا حق دلایا، ہمارے دور میں 4 فصلوں کی بڑی پیداوار ہوئی، کسانوں کو شوگر ملز مالکان سے بروقت رقم دلوائی، ساڑھے 3 سال میں ٹیکسٹائل انڈسٹری نے ترقی کی، لوگوں کو روزگار ملا۔

یہ بھی پڑھیں: ہمیں مافیا کےخلاف اکٹھا ہوکرانقلاب لانا ہے،عمران خان کا بھاولپور میں وکلاءکنونشن سےخطاب

 سابق وزیراعظم کا کہنا تھا کہ فیصل آباد پاکستان کا مانچسٹر ہے، ایک صنعتی شہر ہے، ملک میں ڈرینج سسٹم کو ٹھیک کرنا ہوگا، کرپٹ لوگ چوری کر کے ملک کا پیسہ باہر بھیجتے ہیں، ملک کو سیلاب سے بچانے کیلئے ہمیں ڈیمز بنانے ہوں گے، سیلاب متاثرین کیلئے جلد دوبارہ اربوں روپے جمع کروں گا، اگر آئی ایم ایف قرض دیتا ہے تو شرائط سخت ہوتی ہیں، ہم نے پاکستان کی تاریخ میں سب سے زیادہ ٹیکس جمع کیا۔