وفاقی حکومت عمران خان کی درخواست خارج کرانے سپریم کورٹ پہنچ گئی

یوتھ ویژن نیوز ( عمران قذافی سے ) نیب ترامیم کیخلاف عمران خان کی درخواست پر وفاقی حکومت نے سپریم کورٹ میں جواب جمع کرادیا۔ جس میں عمران خان کی درخواست خارج کرنے کی استدعا کی ہے اور اس درخواست کے قابل سماعت ہونے پر بھی اعتراض اٹھایا ہے۔

یہ بھی پرھیں: ضلعی عدالتیں پراسیکیوشن برانچ کے بغیر کام کر رہی ہیں، جسٹس اطہر من اللہ

وفاقی حکومت نے اپنے مؤقف میں کہا ہے کہ عمران خان نہ نیب ترامیم کے متاثرہ فرقی ہیں نہ یہ درخواست نیک نیتی پر مبنی ہے۔ سپریم کورٹ میں سیاسی معاملات میں مداخلت نہ کرنے کا کہہ چکی ہے اور عمران خان اپنے دورحکومت میں ایسے معاملات بزریعہ آرڈیننس لاتے رہے ہیں۔ وفاقی حکومت نے قرار دیا کہ عمران خان اسلامی بنیادوں پر نیب ترامیم چیلن کر رہے ہیں، اس طرح یہ معاملہ شریعت کورٹ کا بنتا ہے۔ عمومی نوعیت کے الزامات پر نیب ترامیم کو کالعدم قرار نہیں دیا جاسکتا۔ 

یہ بھی پڑھیں: پاکستان میں وبائی امراض پھیلنے کا خدشہ،عالمی ادارہ صحت نے خبردارکردیا

وفاقی حکومت نے اپنے جواب میں کہا ہے کہ عمران خان نے عوامی یا قانونی نہیں بلکہ سیاسی معاملہ اٹھایا ہے کیونکہ یہ واضح نہیں کہ درخواست بنیادی حقوق سے کس طرح متصادم ہے۔