تونسہ کے مقام پر دریائے سندھ میں انتہائی اونچےدرجےکاسیلاب، این ڈی ایم اے نےالرٹ جاری کردیا

یوتھ ویژن نیوز ( قاری عاشق حسین سے ) دریائے سندھ میں تونسہ کے مقام پر انتہائی اونچے درجے کے سیلاب کا الرٹ جاری کیا گیا ہے۔

یہ بھی پڑھیں: بجلی کے بلوں میں بڑاریلیف، وصولی مطل،عدالت نےبڑا فیصلہ سنادیا

نیشنل ڈیزاسٹر مینجمنٹ اتھارٹی (این ڈی ایم اے) نے اس حوالے سے الرٹ جاری کردیا ہے۔ الرٹ میں کہا گیا ہے کہ خانپور کے قریب چاچڑاں شریف کے مقام پر اس وقت 7 لاکھ 25 ہزار کیوسک کا ریلا گزر رہا ہے، جس سے دریا کے گردونواح میں آباد سینکڑوں دیہات اور ہزاروں ایکڑ اراضی زیرآب آگئی ہے۔ اس کے علاوہ متعدد مکانات بھی گر چکے ہیں۔ دوسری جانب ضلعی انتطامیہ کی جانب سے علاقہ مکینوں کو محفوظ مقام پر منتقل کیا جارہا ہے۔ انتظامیہ کی جانب سے مزید دیہات زیرآب آنے کا خطرہ بھی ظاہر کیا گیا ہے۔ 

یہ بھی پڑھیں: سیلاب متاثرین کیلئےفنڈریزنگ، میراکی نیویارک میں سڑک پرلائیو پرفارمنس

دوسری جانب لیہ میں کئی نشیبی علاقے پانی میں ڈوب گئے، 77 سکول اور 11 مراکز صحت میں بھی پانی داخل ہوگیا، اس کے علاوہ کوٹری بیراج پر بھی پانی کی سطح مسلسل بڑھ رہی ہے۔