چینی صدر شی جن پنگ کی سیلاب متاثرین کی ہرممکن مدد کی یقین دہانی

 چینی صدر شی جن پنگ نے پاکستان کے سیلاب متاثرین سے اظہار یکجہتی کیا ہے۔ انہوں نے اپنے خصوصی پیغام میں کہا ہے کہ سیلاب سے نمٹنے کیلئے چین پاکستان کو ہر ممکن مدد فراہم کرتا رہے گا۔ چینی صدر نے صدر پاکستان ڈاکٹر عارف علوی کے نام خیرسگالی کا پیغام بھی جاری کیا۔ انہوں نے پیغام میں لکھا ہے کہ یقین ہے پاکستانی حکومت اور عوام سیلاب کی تباہ کاریوں پر قابو پالیں گے۔ 

یہ بھی پڑھیں: ملک بھر میں سیلاب اور بارش سے مزید 75 افراد جاں بحق

دوسری جانب ترکیہ کی جانب سے سیلاب متاثرین کی امداد کا سلسلہ جاری ہے۔ ترجمان سول ایوی ایشن کے مطابق ترکش ائیر فورس کا چوتھا طیارہ امدادی سامان لیکر کراچی پہنچ گیا۔ طیارے کو ڈی جی وزرات خارجہ اور فائیو کور کے برگیڈئیر انجم نے ریسیو کیا۔

یہ بھی پڑھیں: نوازشریف اور شہباز شریف کے خلاف توہین عدالت کی درخواست ناقابل سماعت قرار

واضح رہے کہ پاکستان میں قائم جاپانی سفارتخانے کیجانب سے جاری کردہ بیان کے مطابق جاپان سیلاب زدگان کی مدد کیلئے پاکستان کو امداد فراہم کرے گا۔ جائیکا کے ذریعہ پاکستان کو ٹینٹس اور پلاسٹک شیٹس فراہم کی جائیں گی۔ امدادی سامان کا پہلا جہاز 30 اگست کو جناح انٹرنیشنل ائیرپورٹ کراچی پہنچے گا۔ پاکستان میں تعینات جاپانی سفیر نے سیلاب میں جاں بحق افراد کیلئے اظہار افسوس کیا ہے۔